ROBÓTICA EN 4 ANOS

 

Este curso, na aula de 4 anos, estamos participando en propostas de programación de robótica co noso robot a abelliña Beebot.

Cada equipo dispón dun tempo para levar a cabo diferente tipo de actividades.
Nas primeiras sesións recordamos as iconas do robot e o seu funcionamento,  levamos a cabo movementos básicos como adiante-atrás tirando o dado e movéndoo según o número que salía,  programamos libremente para levar a cabo percorridos, seguimos percorridos concretos escritos en tarxetas.

 E programamos a Beebot para que pasara polas vogais que están no noso nome, seguindo a mesma orde. Tamén, un compañeiro lle dicía a outro a que vogais debía desprazarse.

Seguiremos a levar a cabo moitas propostas para ir orientándonos cada vez mellor e de paso desfrutar un montón!

Divertímonos con beebot

Nas últimas sesións pasámolo moi ben creando percorridos para bee bot coas pezas de construir.

Entre todos construímos o percorrido, colocando de un en un varias pezas de cada vez.

Os equipos Jurasic World e Picachu traballaron xuntos

E os equipos Ganadores e Super héroes noutra sesión fixeron a mesma actividade.

Aquí vos deixamos un breve video no que unha compañeira axuda a outro  compañeiro guiándoo nos pasos que debe seguir para "programar" no robot o percorrido.

                                   

Á volta das vacacións máis!!



Bee bot o noso robot axúdanos a contar, sumar e restar.

Nalgunha sesión xa utilizáramos a bee bot coa serie numérica, e nesta ocasión, ademáis de axudarnos a subir e baixar pisos, representamos a continuación isto con sumas e restas, na pizarra. 

Un compañeiro di a outro a que piso debe levar a bee bot e cando sube, o representamos coa suma e cando baixa, coa resta.