INFANTIL 5 ANOS Estreamos os recantos do corredor!

En semanas pasadas os compañeiros de 5 anos estrearon os recantos de experimentación do corredor.

Eles asistirán a estes recantos organizados por equipos e así, como son catro equipos os da súa aula, os luns, xoves e venres participarán neles xunto cos nenos de 3 e de 4 anos. Cada semana lles tocará ou cun grupo ou co outro.

Aquí quedan algunas fotos que reflexan o ben que o pasaron e as súas creacións orixinais.

AQUÍ QUEDAN ALGUNHAS DAS SÚAS CREACIÓNS



INFANTIL 3 ANOS- Pintamos e estampamos con follas de árbores

Hai unhas semanas, adicamos unha sesión de arte a pintar e estampar con follas de árbores.

Previamente xogamos un ratiño con elas, a facernos cóxegas, acariciarnos, lanzalas e deixalas caer mentres recitabamos unha pequena rima ("Caen caen sen parar e non deixan de bailar).

Logo escollimos cada un de nós unha ou varias para pegar no papel e unha vez decididas dúas ou tres cores de témpera, pintamoa por todo o papel libremente con esas cores, cubrindo tamén as follas.

Ó finalizar e despegar as follas descubrimos que quedaba só sen pintar a silueta das follas que usamos.

Ademáis, como estaban pintadas, as estampamos noutro papel branco, todas as veces que quixemos ata que se lle agotaba ou secaba a pintura que levaban.

E así de bonitos quedaron os nosos cadros das estampacións.

INFANTIL 3 ANOS- Recantos de experimentación

Mirade que ben o pasamos cos distintos materiais dos recantos de experimentación que temos no corredor da pranta baixa.

Biblioteca

Elementos naturais cos que crear composicións

Mesas de luz con distintos elementos para experimentar nelas

INFANTIL 4 ANOS- Recantos de experimentación e creación!

Ahí van unhas fotiños das últimas semanas e dalgunhas das nosas creacións.

INFANTIL 3 ANOS- Os monstros de Samaín

En semanas pasadas, con motivo da chegada do Samaín, nas sesións de arte creamos nos dous grupos uns monstros xigantescos de dúas cabezas. A intención era que nunha das cabezas houbera un oco para meter a nosa e fotografiarnos así.

Previamente os dous grupos elixiron por votación, coa súa profe María, cal sería a forma do corpo do monstro e unha vez decidido, demos comezo.

En cada grupo, se elixiron as cores coas que pintarían o seu monstro.

No primeiro grupo elixiron as cores vermella, lila e negra e o pintaron estampando con esponxas.

No segundo grupo elixiron as cores rosa, verde e amarela e o pintaron estampando con formas de nubes, moi semellantes ao corpo do monstro.

Unha vez estivo seco, o completamos pintando e pegando diferentes partes do corpo: ollos, bocas, orellas, cornos, brazos, pernas......

E así de monstruosos nos quedaron!

5 ANOS- NA BIBLIOTECA!

Aquí quedan algunhas fotos de momentos que pasamos na biblioteca. A veces lendo libros e levando a cabo o préstamo para casa, outras traballando co caderno de lóxica matemática e outras descansando un rato depois do traballo, e defrutando dalgúns dos xogos que temos alí.