Hai unhas semanas Carolina nos agardaba cunha sorpresiña! uns sobres con algo dentro, que era....nada máis e nada menos que ABELLAS!!
Tratábase de varias abellas obreiras, dúas raíñas e tres avispas velutinas.
Así que nese mesmo día comezamos a recopilar información sobre as Abellas e escribimos unha nota para casa pedindo colaboración con calquera información que as familias tiveran a man.
E pronto chegou!
A familia de Gema enviounos unha grabación dun abellorro co que se atoparon unha tarde de parque.
Gema ademáis amosounos e contounos algunha información moi interesante e varias noticias da prensa.
Alejandro traballou moito en casa coa súa familia: trouxo unha colmena e un enxame, moitas abellas debuxadas por él
e ata nos trouxo un tarro de mel para degustala.
Ari nos contou algunhas cousas e outras as limos nos folios que escribiu a súa familia.
Brais trouxo un libro de insectos cunha páxina adicada ás abellas e descubrimos moitas máis cousas.
Mauro tamén traballou un pouquiño en casa anotando e debuxando na súa información.
Tamén Diego nos aportou algúns datos e uns debuxos moi coloridos para o noso mural.
Ceci trouxo un conto de abellas.
E Ana un libro con moitas solapas tras as que había moita información sobre as nosas amigas abellas.
E así pouco a pouco fomos creando o recanto das abellas.
Ademáis o noso veciño o señor Pepe (dono da finca na que collimos castañas) e un amigo seu viñeron contarnos moitas cousas interesantísimas sobre as abellas e as avispas velutinas.
Así nos enteramos de que as avispas velutinas veñen de China e que as nosas abellas non saben combatilas ó vir de fora e dende hai tan pouco tempo. Teñen que ir aprendendo como defenderese delas.
Despois da charla debuxamos o máis representativo.
E tamén participamos nun xogo que coñeciámos do curso pasado pero adaptado, pois nesta ocasión un compañeiro era a avispa velutina co seu aguillón (que era un pano) e o outro unha abella que debía quitarlle o aguillón e non resultaba doado pois isto debía facelo sen tocarse e movéndose dentro da roda feita por todos nós. Foi moi divertido!
Na seguinte semana tivemos a visita da nai de Martín, que trouxo unha guía de insectos na que había moitísima información sobre moitísimos tipos de abellas.
Para finalizar a actividade, Victoria nos axudou a cubrir unha gráfica para diferenciar entre abellas, avispas e abelloros.
E así vai quedando o noso recanto das abellas con todo o recopilado.
