CREACIÓNS DE OUTONO EN 3, 4 E 5 ANOS

 Nas tres aulas creamos obras plásticas con follas de árbores que caíron polo outono.

 

3 ANOS

Pintamos as follas con témperas e deixamos estampada a pegada no papel.

Ademáis cortamos anaquiños de follas e as pegamos con cola na nosa composición.

4 ANOS

Coas ceras brandas tumbadas sobre o papel e as follas das árbores colocadas debaixo do papel, pintamos suavemente ata obter o debuxo das follas, a súa forma, liñas...

Logo pintamos con témpera algunhas follas deixando a súa pegada no papel

E pegamos anaquiños de follas secas para completar o cadro.

5 ANOS 

Ó igual que os compañeiros de 4 anos, pintamos por encima das follas, co papel polo medio

E rematamos a composición engadindo follas enteras pintadas coas témperas e anaquiños partidos coas mans ou coas tixeiras. Pintamos coas témperas arredor das follas...

Deixamos voar a imaxinación e quedaron unhas composicións moi orixinais e persoais.

Ademáis, tamén elaboramos unhas paisaxes de outono.

En 4 anos, primeiro fixemos un debuxo con rotuladores, guiado pola profe, que nos ía dicindo o que debuxar, diferentes elementos do outono, algúns deles aportados por nós mesmos.

Os coloreamos con ceras e compretamos a composición estampando cos dedos e con bastonciños de algodón, as follas, das cores do outono.

As cores que utilizamos foron: verde, vermello, amarelo, marrón e laranxa. E cada unha das cores as misturamos con diferentes elementos naturais e alimentos: sal, azucre, fariña e area.

Comprobamos así, que a textura da pintura cambiaba e cando secaron as composicións se puido apreciar claramente ó tocar os cadros cos dedos.

En 5 anos, para crear a nosa paisaxe cos ratuladores, tivemos que seguir un código con imaxes.

Cada imaxe tiña un número e quería dicir a cantidade que había que debuxar: 1 camiño, 2 nubes, 3 árbores, 4 caracois, 5 pedras.

Compretamos os nosos cadros pintando con acuarelas.

ÚLTIMAS CREACIÓNS DO RECANTO DE CORREDOR DOS NENOS/AS DE 4 ANOS

 Seguimos a experimentar e crear co variado material do recanto do corredor.

Os nenos e nenas de 4 anos son os autores destas creacións.

OS DE 3 ANOS VAMOS NA PROCURA DE RUFIÑO

Mentres durou a confección do complemento de pitiños,  deunes tempo tamén a facer algúns xogos como por exemplo colocarlle o peteiro a Rufiño, cos ollos cubertos e guiados polos compañeiros.

Tamén xogamos cos limpiapipas que utilizaríamos para os tres pelos de Rufiño. Os movimos según as consignas, arriba, abaixo, detrás, diante, escondido en....fixemos cóxegas con eles aos compañeiros e anós mesmos, sopramos, os deixamos caer....os enrugamos, os estiramos...

En canto tivemos os nosos complementos de pitos rematados, subimos á planta de arriba, na procura de 
Rufiño.

Polo camiño ata chegar á biblioteca e tamén na biblio observamos que había debuxos e imaxes con Rufiño.

E por fin o atopamos!!!

Rufiño nos esperaba cunha carta na que nos contou algunhas cousas interesantes sobre él e cunha cesta chea de contos moi bonitos e divertidos.

E nós  lle recitamos a rima do pitiño que aprendimos nestes días pasados.

Un grupo na biblio e outro na clase desfrutamos da lectura de todos estes contós fantásticos.