Como vos contamos, demos comezo ó proxecto sobre os CELTAS.
Volvimos ó corredoiro para ver o panel-puzzle xa finalizado con todas as pezas completas, cada unha con referencias a unha CIVILIZACIÓN.
Alí estaba a nosa.
Na parede de enfrente, no enorme mapa mundi que xa levaba un tempo nese lugar, puidemos decatarnos de que había colocadas unhas tarxetas con fotos ou imaxes que algunhas nos resultaban coñecidas.
Fomos emparellando cada tarxeta coa civilización que tiñamos no outro lado e coa nosa en seguida nos decatamos de que era a tarxeta igual que a casiña de pedra e palla que trouxera o noso compañeiro Alejandro días antes.
unha réplica dunha casa celta.
Xa de volta na aula, deixamos reflexado no noso mural do proxecto aquelas cousas que sabíamos sobre os celtas, e que ó longo desa semana se foi ampliando, e tamén o que queríamos saber:
E como o primeiro que tivemos nas mans foron eses símbolos tan curiosos, por equipos, e equipados cun ipad, buscamos en google o significado dos nosos, os que levaramos a casa para preguntar.
Había que turnarse para desenvolver as diferentes tarefas ata chegar ó noso obxectivo:
escribir en google para atopalos, ler o seu significado (era tanto o que estaba escrito de cada símbolo que aquí nos axudou Ángela para seleccionar o que realmente nos interesaba a nós), anotar o significado nun papel, pegar símbolo e significado no mural.. E cada equipo utilizou a súa estratexia: uns facían todos todo turnándose de cada vez, noutro cada quen se ocupaba do que lle gustaba máis ou se lle daba mellor; noutro o coordinador decidía e os demáis se deixaban levar polas súas indicacións....pero dunha maneira ou doutra todos participamos.
E éstes son os símbolos que conseguimos atopar nunha sesión e no tempo marcado.
