Así nos foi cos Celtas

A nosa investigación dos CELTAS rematou hai un par de meses.

Ademáis de responder ás preguntas que nos fixeramos, tamén fomos anotando no noso mural algúns outros descubrimentos.

Por outra parte, algúns  compañeiros  visitaron CASTROS que existen na nosa comunidade, como por exemplo o do monte Santa Tegra, na Guarda e quixeron contarnos o que alí viron; trouxeron información de alí e fotografías.

Como Ariadna

Gema

Cecilia

Mario

Ainhoa

Brais, que foi nestas vacacións

E outros compañeiros como Martín e Mauro

Ademáis creamos un mural co afabeto Ogham, que descubrimos que ó parecer os celtas de Irlanda utilizaban.

Tamén descubrimos que os Celtas lle daban moitísima importancia ás árbores, que consideraban máxicas e sagradas. Cada mes se correspondía, na súa cultura, cunha árbore.

Tivemos que buscar nun listado, a árbore que nos correspondía a cada un de nós, para anotalo no noso dossier individual.

Os celtas, sobre todos os máis ricos, utilizaban uns colares chamados "torques", que xa no museo nos ensinaran.

Nós os fixemos primeiro con plastilina e logo con masa branca.

Con masa branca os fixemos con boliñas

que debíamos ensartar nun aramio, pois unha vez que a masa secase, perdería toda flexibilidade e sería imposible poder poñelos no pescozo pois romperían, e deste xeito sí poderemos facelo.

Unha vez que secaron, os pintamos con témperas e pincel, algúns dunha soa cor, outros de varias combinadas...

Cando secaron, lle engadimos unhas boliñas de cores para rematar o colar na parte final de cada extremo

e durante uns días pasaron a formar parte da nosa exposición na aula

ata que os gardamos cada un na súa "caixa dos tesoros de infantil", pois unha das cousas que propuxo unha compañeira foi gardar os colares alí.

(noutra entrada vos explicaremos en que consistiu a caixa dos tesouros)


Tamén descubrimos a figura do DRUIDA.. que era moi importante na cultura celta.

A profe trouxo uns comics sobre unha tribu celta, os galos, que ten como protagonistas a Astérix e Obélix e como druida a Panoramix.

Vimos un trociño duns debuxos sobre esta historia
e buscamos nos libros ao druida así como casas celtas ou símbolos.

Tamén estivemos facendo uns debuxos con símbolos celtas, para as nosas camisetas, que como en cursos anteriores, se imprimiron nelas.

Foi a nosa proposta cando fixemos unha choiva de ideas sobre a temáticas dos debuxos.

Cando tivemos as camisetas listas, nos fixemos unha foto de grupo, de recordo.

Como temos na aula o mural,

nel puidemos miralos e fixarnos ben para debuxalos o mellor posible.

Ademais, expusemos o que descubrimos aos compañeiros de 4º de primaria, que pronto empezarían a estudar aos celtas na súa materia.

Unha vez rematado o mural, o colocamos no corredoiro, para darlle un valor informativo, ademáis de expositivo.

Gustounos moito participar nesta proposta e aínda en moitos momentos de xogo libre desfrutamos creando e imaxinando lugares e historias nas que os celtas e os seus símbolos están presentes.